Nuorttanaste

Hellodagat

Duvvá, biegga ja dolla govvidit Bassi Vuoiŋŋa. Buot dát lihkadit, ii daid dieđe gos dat bohtet ja gosa dat mannet. Duvvá seaivu min julggiid gurrii. Biegga buhtista áimmu ja dolla njiella ruskkaid ja ligge ja čuvge min. Vuosttaš hellodatbeaivvi birra muitaluvvo Biibbalis ahte go vihttalogi beaivvi ledje vássán Jesusa bajásčuožžileami maŋŋil, de máhttájeaddjit ožžo Bassi Vuoiŋŋa. Garra biegga bođii ja dollanjuokčamat seivo máhttájeddjiid oaivvi bajábeallái. Bassi Vuoigŋa bođii. Áibbas ođđa oktavuohta ásahuvvui mii ii lean ovdal leamaš. Dalle ii lean šat giella, sosiála árvu iige sohkabealli mii mearridii. Máhttájeaddjit ledje Bassi Vuoiŋŋain devdojuvvon ja olbmot ipmirdedje Ipmila Sáni mii sárdniduvvui. Vuoigŋa lea bassi dannego boahtá Ipmilis. Vuoigŋa čorge ruskkaid eret, buhtista, seaivu min váibmui ja ligge dan. Vuoigŋa čohkke ja hukse oktasaš vuođu olbmuide geat oskot Jesusii. Vaikko olbmot gullet iešguđet lágan kultuvrii, de dat ovttastahttojit go oskot Jesusii ja gásttašuvvojit su nammii. Buot álggii Genesaretjávre gáttis ja viidánii miehtá máilmmi. Ipmila Vuoigŋa namuhuvvo juo Biibbala vuosttaš siiddus. Vuoigŋa orru min siste ja čuvge midjiide Sáni.

 

Čállán Ántte-Rávdná

Eanandoarggástus Nepálas

Nepálas lea leamaš garra eanandoarggástus aiddobáliid. Ii leat 80 jahkái leamaš dakkár eanandoarggástus riikkas. Ollu olbmot leat duššan. Dál leat olu veahkkeorganisašuvnnat Nepálas, earret eará Girku heahteveahkki, Normisjon ja Himalpartner. Girku heahteveahkki čokkii fástoakšuvnnas 36 milj.kr ja muhtin oassi dain ruđain geavahuvvo dál heahteveahkkin Nepálai. Girku heahteveahkki háhká buhtis čázi nu ahte eastada dávddaid ja buozanvuođaid. Lassin ruhtaveahkkái lea dárbbašlaš rohkadallat olbmuid ovddas Nepálas, ja ahte veahkkebarggut lihkostuvaše nu ahte riikka fas ceggejuvvošii. Searvegottit sáhtáše oaffara addit organisašuvnnaide mat leat veahkkebarggus Nepálas. Loga eambbo dás: kirken.no

Syrias gillájit siviila olbmot

Syrias lea surgadis sisriikasoahti iešguđetlágan militeara veagaid gaskkas mat sohtet gaskaneaset vearjjuiguin. Okta soahtejoavku lea IS (islamlaš stáhta), terror- ja vuostálastiorganisašuvdna. Amnesty International lea gávnnahan ahte 2015 álggus leat badjel 190.000 olbmo goddojuvvon Syrias. Sii dokumenterejit illástemiid ja olmmošvuoigatvuođaid rihkkuma. Njeallje miljovnna olbmo leat báhtaran ránnjáriikkaide Tyrkiai, Libanonii, Jordanii ja Irakii. Dat geat sohtet, rihkkot buot olmmošvuoigatvuođaid ja illástit olbmuid. Loga eambbo dás: amnesty.no

 

Norgga girku ávžžuha ráđđehusa veahkehit 

Norgga girkku ávžžuha Norgga ráđđehusa juolludit liigeruđa veahkehan várás Syria báhtareddjiid. Báhtareaddji lohku lea lassánan ja Syria ránnjáriikkain eai leat návccat veahkehit buohkaid. Ollugat vulget fatnasiidda Gaskaábi rastá dainna sávaldagaid ahte olleše dearvan Eurohpái. Muhto ollugat duššet mátkkis go fanas gopmána. Norga ii sáhte orrut nu ahte ii bargga maidege áššiin, dadjá Norgga girku Girkuidgaskašas ráđđi. Loga eambbo dás: kirken.no 

Kirsten LarsenMákká Kirste, Kirsten Larsen, riegádii čakčamánus 1935.

Son lei njealjejahkásaš go soahti bođii Norgii. Kirste muitá ahte olbmot manne girkui ja rohkadalle Ipmilii, lávlo ja čirro.

 

Loga eanet ...

BeaivvagiettigirkuNjukčamánu 15. beaivvi ledje birrasii 100 olbmo čoahkkanan Beaivvašgieddái ávvudit 100 jahkásačča.

Bisma Olav Øygard sárdnidii. Su sárdneteaksta lei Joh. 3.16 "Uhca Biibalaš". Bismma muittuhii ahte girku lea huksejuvvon Ipmila sáni sárdnideapmái duoddara olbmuide.

Loga eanet áššis Nuorttanaste nr 4- 2015

Govven: Svanhild Guttorm

Alf Tellefsen

Alf  Kristian Tellefsen. Foto: Olaug Larsson

Alf  Kristian Tellefsen lea bidjan fargga 56 jagi iežas eallimis Sámemišuvnna bálvalussii. Son lohká iežas guoktelogiokta jahkásažžan álgán, Ipmila gohččuma mielde, Su sáni sárdnideaddjin sámiid gaskkas, ja lea ain doaimmas bissumin.  Eanaš oasi su eallimis lea son ássan Kárášjogas, gos su bargosaji doaibmabáiki lea.

Loga eanet ...