Doaimmaheaddjit

Ole A. Andersen

Lávvonjárggas, Deanus eret.
Riegádan 1885.

Son leai Lund oahpus, ja go Lund jámii de leai juo bláđe cieggan nannosit sámiid gaskkas. Bláđes leai buorre ovdáneapmi Andersen áiggi, ja doalliid lohku leai 7-800.

Muhto Ole Andersen doaibmá redaktevran šattai hui oanehaš. Son duššai Detnui 1916.

Henrik Olsen Heika

Riegádan Idjavuonas, 1889.

Son leai Nuorttanaste doaimmaheaddjin 30 jagi. Sámit gohčodedje su "min redaktevra".

Heika maid almmuhii sálbmagirjji "Turtelduvvá", masa ieš leai čállán máŋga sálmma.

Son jámii 1948.

Anders Guttormsen

Ráttovuotna, Deatnu.
Riegádan 1908.

Son barggai Nuorttanaste deaddileamen 1928 rájes. Guttormsen álggii doaimmaheaddjin 1948 ja leai das gitta 1960. Son oaččui gonagasa ánssášbálkašumi 1978.

Son jámi 1986.

John Ole Nilsen

Riegádan Unjárggas 1914.

Son leai guhkká Guttormsena mielbargi ovdal go šattai doaimmaheaddjin. Son čuovui seamma linnjá go gean máŋis álgii doaimmahit, ja leai redaktevran 32 jagi. Son maid oaččui gonagasa ánssášbálkašumi luohttevaš barggu ovddas.

Son jámi 1998.

Ann Solveig Nystad

Riegádan Kárášjogas 1961.

Maŋŋá joatkaskuvlla váccii son Finnmárkku Allaskuvllas searvvegottelinnjá. Son leamaš konfirmánttaid oahpaheaddji ja maid skuvllačálli, ja leamaš searvegottebláđe rahkadeames mielde.

Son leai redaktevrra 1992 rájes gitta 2003 rádjái.

Olaug Balto Larsson

Riegádan Kárášjogas 1953.

Son álggii doaimmaheaddjin 2003, ja lea odne Nuorttanaste jođiheaddji.
Sus lea oahpaheaddji oahppu, kántur oahppu ja sus lea sámegiel`oahppu
gaskafága dásis.