Historjá

Gielkábáhppa Gustav F. Lund, lea olmmái gii álggahii sámiid boarraseamos bláđe Nuorttanaste.

Nuorttanaste vuođđudeaddji

Gustav Fridjof Lund, riegádii Dálbmeluovttas Álaheajus, 18. beaivve cuoŋománus 1862. Hui nuorran álggi son Friiddjagirkui sárdnideaddjin. Son jođii gielkkáin su sárdnemátkiin ja gohčoduvvui ge "gielkábáhppa".

Son jurddašii daid deaddiluvvon sániid: "Mun lean dávjá jurddašan livčče leamen buorre jos livčče gávdnon sámegiel' kristtalaš bláđe".

Gustav Lund leai ge lihkolaš go ieš fidnii deaddilan ávdnasiid. Dat mákse 90 ruvnnu. Álggos son fievridii daid gaskal Budeju ja Hámmarfeastta, guokte stuorra goaffara siste.

Vuosttaš Nuorttanaste nummir álmmuhuvvui 1898, boares dálus Budejus. Bláđes ledje 8 siiddu, ilmmai guktii mánnui ja mávssii 1 ruvnnu jahkái.

Lund máhtii sihke suoma, dáro ja sámegiela.

Son jámii 1912, 50 jagi boarisin.

Redaktevrrat jagiid čađa

1898 - 1912: Gustav Fridtjof Lund
1912 - 1916: Ole A. Andersen
1916 - 1948: Henrik Olsen Heika
1948 - 1960: Anders Guttormsen
1960 - 1992: John Ole Nilsen
1992 - 2003: Ann Solveig Nystad
2003 – gitta otnážii: Olaug Balto Larsson

Loga eanet doaimmaheaddjiid birra maŋŋá Gustav Fridjof Lund.

Nuorttanaste almmuhusat

Bláđe leamaš fárremiid vuolde čada áiggi, nugo álbmot gean searvvis galggai čuovgat – sámit.

Bláđe lea ilbman dáid báikkiin:

Budejo
Sigervuotna
Skjoldehápman
Korsavuotna
Gávvuotna
Oslo
Gávvuotna fas
Sarpsborg
Gávvuotna 3. geardde
Unjárga
1960 rájes Gorŋehat, Hearrágoahtenjárga ja Vuotnabahta
1992 rájes Kárášjogas.

Deaddiluvvon

Vuosttaš deaddileapmi leai Sigervuonas, Vesterolas.
Dasto Korsavuonas.
Bistevaš deaddilusas Gávvuonas.
1960 rájes Trykkforum, 9800 Čáhcesuolo.
2001-2006: Trykkkeriservice, 9700 Leavdnja
2006-2008: Min Áigi, 9730 Kárášjohka
2008 – otnášii: Ávvir, 9730 Kárášjohka

Čállinvuogit

Nuorttanaste geavahii J.A.Friis riektačállima, seamma go boares Biibalis (1892). Jagis 1948 bođii Bergsland/Ruong čállinvuohki. Friis riektačállin fas geavahuvvogođii 1960. Čávčča 1992 rájes geavahišgođii bláđe beali Friis ja nuppebeale fas ođđaseamos 1978 čállinvuogi.

Bláđe eaiggádat

1898 – 1992: Evaŋgelihkkálaš Lutherálaš Friiddjagirku
1993 – 1999: Norgga Sámemišuvdna ja Evaŋgelihkkálaš Lutherálaš Friiddjagirku
2000 – odnážii: Vuođđudus Nuorttanaste: Norgga Sámemišuvdna, Sis-Finnmárkku proavás ja Sámi girkoráđđi